Даруу алдар, дуран, найдалда
Дашууржа удаан ябаагүйлди.
Эдир наhанай элдин зугаа
Эртын манан зүүдэндэл haлаа.
Хархис засагай хабшаалта зүршэн,
Халуун сэдьхэлэйнгээ hаналаар
Эсэгэ оронойнгоо уряал тэбшэн
Этигэл хүсэлнэй үшөөл бадарhаар…
Этигыш, нүхэр, хэзээш ерэхэл
Эрхэ сүлөөгэймнай золто одон!
Эхэ Росси нойрhоо hэрихэл,
Эзэрхэг засагай эбдэрхэй дээгүүр
Манай нэрэ мартангүйл бэшэхэл.
