Мес шумонте, народонь лемста корхтайхть-тиихть?
Месть сюдомаса эвфнесасть Россиять?
Мезсь мялезонт изь ту? Шять, пичефксоц Литвать?
Эсь ётконь сялондомаснон славяттнень кадость,
Кудъётконь и кунардонь сон, сонь вярдень вийсь ункстазе,
Тя кизефксть вестьке аф решандасасть-тисасть.
Тя пляматне аф ладязь эряйхть
Кунара. Мезьге аф тият.
То синь, то минне ширесь эрясь,
Мзярда атямсь комафтсь прят.
И кие сяськи каршек спорязь:
Трус ляхсь иль ару вайме рузсь?
Славянонь шудерьксне ли уихть рузонь моряв?
Иль морясь коськи? Кизефкссь мувсь.
И туда ваксстонк: ашесть лува
Тя сёрматнень, синь веронь кувот;
Аф шарьхкодьсасть,чужойхне сянь −
Аф ладямась кудъётконь. Сяс
Тинь Кремлять аф кульсасть и Прагать;
И шавос таколфттядязь тинь
Тя тюремань пси толсь-отвагась −
И афолемасть няе минь...
И азость, мезенкса? Аф сяс ли,
Мес шятьф-палф Москуть кулу маронц вельхксса минь
Сянь кшиса-салса ашеськ васьфте,
Кинь ала тарондоде тинь?
И сянкса, шять, мес минь ашеськ кирде
Нароттнень лангса сталмокс ащи ся кумирть?
И минцень версонк рамаськ-идеськ
Европать воляшинц и мирть?..
Тинь валса эвфнетяда – тевса няфтемс варжасть!
Иль сире богатырти, (ваймяй сон аф лажназь)
Эсь измаильскяй штыконц ладямс вий аф мумс?
Иль рузонь оцязорть аш валонц виец ёт ни?
Иль спорсь Европать мархта одня?
Иль сяськомать юкстазе рузсь?
Иль минь кржаненк? Или Перьмста мяньТавридав,
Эй алдонь финонь пандста – толкс крфай Колхидав,
Абонтф Кремлять эзда явозь
Китайть пяк кеме стенас молемс,
Кшнинь сакалкс-нуфтолкс вандол молезь,
Рузонь масторлангсь аф стяви?..
Тинь, корхтайхне народонь валста,
Кяжи цёрантень сей кучесть:
Паксянза Россиять − вастсна,
Содаф лазксне эсост учихть.
